Living Heritage -Te Ara Whanui - Te Kura
Te Ara Whanui
Tōku Kura
Te Kura o Te Ara Whanui Kura Kaupapa Maori o Nga Kohanga Reo o Te Awa Kairangi
I te timatanga ko te moemoea o Koro Rihari me Kuia Keriana kia tu he kura maori mo nga tamariki mokopuna o nga kohanga reo o Te Awa Kairangi, tū ake nei ra ko nga whare ko Murimuri Aroha, Rimutaka, Kaitoke, Korokoro, Orongorongo, Turakirae, Pukeatua me te whare o Keriana hiki ake ra te wairua o te ngakau ki a korua e rihari me Keriana. Tu ake ki te whakatauiki kua waihoatia ake “Pono ki te kaupapa, Puna ko te reo” i korihi ake nei e.
Te Kura
I te tau o 1995 22 ō Hepetema i timata ai tenei kura i Kokiri Seaview, 17 noaiho nga tamariki i reira ko te ingoa o te kura i tērā wā ko Te Ara Whanui Kaupapa Maori Private School. I te tau o 1996 i nukuhia matou ki Petone i reira kura ai, engari i tini te ingoa o te kura ki Te Ara Whanui Kura Kaupapa Maori o Nga Kohanga Reo o Te Awa Kairangi i reira matou mo e 2 nga tau, i whiwhi putea te kura nei mai i te kawana hei ahei te hanga he kura hōu mo matou nga taiohi, i nukuhia matou ki Alice Town, Petone, Poneke .E waru nga whare o tenei kura ko nga ingoa ko Murimuri Aroha, Rimutaka, Kaitoke, Korokoro, Turakirae, Orongorongo me Pukeatua. I whakaingoatia ki enei maunga, na te mea koinei nga maunga e karapoti ana i te rohe o te Whanganui a Tara.
Anei etahi whakaahua e whakaatu ana i nga whare kei to matau kura.
Koinei ta matau whare hakinakina, ta matau whare huihui, a, i whakaingoatia ki to matau kuia o te kura, ara te Whaea a Keriana Olsen.
Ko tenei te whare o Orongorongo koinei te whare o te Wharekura.
Koinei ta matou Whare Pukapuka, me ta matou ruma Hangarau me te Ruma Toi.
Koinei te tohu o te kura e whakaatu ana i nga Kaiako me nga Tauira o te kura.
Ko tenei te whare o a matou tau 7 ,tau 8.
