Te Ara Whanui

Ko au

Ko Tūhoe me Te Arawa ōku Iwi.
Ko Maungapōhatu me Tarawera ngā maunga.
Ko Ohinemataroa me Kaituna ngā awa.
Ko Waikirikiri, ko Ohotu, me Ruatō ngā marae.
Ko Hamua, ko Te Whānau Pani, ko Ngāti Pikiao ngā hapu.
Ko Te Waiwhakamihia Teepa tōku ingoa.

I whānau mai au i te hōhipera o Rotorua i te tau 2000. I reira mātau e noho ana i taua wā. I te kāinga mātau o tōku koroua me tōku kuia e noho ana. He kotiro pai au i ngā wā katoa. Kāore he kotiro i tua atu i au. He tino aroha au ki toku whānau, toku Māmā, me toku Pāpā, me taku taina hoki.

Ko ngā mahi pai katoa ki au, ko ngā mahi kapahaka, te poi, te mahi ā-ringa, te whakamahi i te patu, engari kāore toku Pāpā e tuku i au kia tākaro me ngā patu.

He pai hoki au ki te waiata e ai ki toku Māmā, engari ano toku Pāpā, ko tana korero he hoihoi rawa au. Kāore au e aro ki a ia. I etahi wā kua noho au me toku Pāpā, he waiata tā māua mahi. He waiata i ngā waiata o toku kohanga, i au e paku ana, tae atu hoki ki ngā waiata o toku kura.

He pai ki au ngā mahi hākinakina. I au e paku ana tākaro ai au i roto i tetahi tima Poikiri. Ko a mātau ti-hāte ko ngā ti-hāte o Spain arā a "Team Espanol". Ko mātau hoki te tima toa katoa o te ao. Kāore he take o ngā tima penei i a Ingarangi, i a Pāniora, i ngā tima o Ingarangi katoa. Kāore he tima i tua atu i a mātau.

I etahi wā, he rawe ki au te tākaro noa iho, te pāinaina rā, te tiraharaha, te noho noa iho ki te mātakitaki i a Whakaata Māori.